Пүрэв гарагт BBC агентлагаас мэдээлснээр АНУ-ын Зэвсэгт хүчний штабын дарга нарын нэгдсэн хорооны дарга, генерал Марк Милли Украины дайнд амь үрэгдсэн хүмүүсийн тоог 200,000 хүрсэн гэж тооцсон гэжээ.

Түүнчлэн ноён Миллигийн тооцоолсноор, Орос, Украины тал хоёул дайнд тус бүр 100,000 цэргээ алдсан бол дайны хүрээнд нийт 40,000 жирийн иргэн амь насаараа хохирсон байна.

Тийнхүү генерал Марк Миллигийн зөвлөснөөр талууд үр дүнтэй энхийн хэлэлцээр хийж, дайныг дуусгахын тулд байлдаад амжилт олохгүй гэдгийг хоёул хүлээн зөвшөөрөх хэрэгтэй гэнэ.

Орос, Украины талуудын хувьд хоёул дайнд үрэгдсэн цэргүүдийнхээ тоог нууцалж байгаа юм.

Москвагийн талаас хамгийн сүүлд өнгөрөгч есдүгээр сард дайнд амь үрэгдсэн цэргүүдийн тоог зарласан бөгөөд тийн зарлахад хоёрдугаар сараас хойш дайнд ОХУ ердөө 5,937 цэргээ алдсан хэмээн мэдэгдэж байжээ. Харин Украины талаас наймдугаар сард хийсэн мэдэгдэлдээ дайнд нийт 9,000 цэргээ алдсан гэсэн юм.

Эх сурвалж: BBC