АНУ, Энэтхэг улсууд Хятадын хилийн ойролцоо хамтарсан цэргийн сургуулилалт хийжээ.
The Hindu зэрэг Энэтхэгийн хэвлэлүүд орон нутгийн цагаар 30-ны өдөр мэдээлснээр, АНУ болон Энэтхэгийн цэргүүд Энэтхэгийн хойд нутгийн Уттаракханд мужийн Аури хотод цэргийн сургуулилалт хийсэн талаар онцолсон байна.
Аури хот нь Энэтхэг, Хятадын маргаантай хил болох Бодит хяналтын шугамаас 100 км зайд оршдог аж.
Хоёр улсын арми далайн түвшнээс дээш 2800 метрийн өндөр уулын бүсэд хяналтын сүлжээг шалгах, шархадсан хүмүүсийг тээвэрлэх, эмнэлгийн тусламж үзүүлэх зэрэг олон төрлийн сургуулилалт хийжээ.
Энэхүү цэргийн сургуулилалтаар дамжуулан тус хоёр улс Өмнөд Ази дахь нөлөөгөө тэлэхээр оролдож Хятадад хаалт хийх гэж буй нэг хэлбэр хэмээн шинжээчид үзсэн байна.
Эх сурвалж: YTN