Мягмар гарагт Иран улсын Гадаад хэргийн сайд Хоссейн Амир Абдоллахиан Олон улсын Эрүүгийн шүүхээс Газын зурвас дахь Израилийн түрэмгийллийг зогсоохыг хүсжээ. Энэ талаар тэрээр Олон улсын Эрүүгийн шүүхийн ерөнхийлөгч, ерөнхий прокурор нарт хаягласан захидалдаа өгүүлсэн байна.
Үйл явдлын хүрээнд Ираны Гадаад хэргийн яамнаас мэдэгдсэнээр, “Иран улсын Гадаад хэргийн сайд Хоссейн Амир Абдоллахиан Олон улсын Эрүүгийн шүүхийн ерөнхийлөгч хийгээд ерөнхий прокурорт захидал илгээж, Газын зурваст сүүлийн үед гарч буй гэмт хэргийн сонсголыг түргэвчлэх шаардлагатайг онцолсон.
Газын зурвас дахь бөмбөгдөлт хийгээд Израилийн эзлэн түрэмгийлэл бол цэвэр дайны гэмт хэрэг. Үүнээс үүдэн 14,000 гаруй жирийн иргэн амиа алдаж, 32,000 орчим хүн шархадсан.
Тиймээс үүнийг геноцидын шинжтэй үйлдэлд тооцож, хүн төрөлхтний эсрэг дайны гэмт хэрэг гэж үзэх ёстой” гэжээ.
Эх сурвалж: ТАСС
