Мягмар гарагт Украины тэргүүн хатагтай Олена Зеленська ард иргэдийнхээ зовлон зүдүүрийг олон нийтийн анхаарлын төвд оруулах зорилготойгоор Их Британи улсад айлчилжээ. Улмаар айлчлалын хүрээнд түүнд Их Британийн засгийн газрын гишүүдэд хандан үг хэлэх завшаан олдсон байна.
Тийнхүү завшааныг ашиглахдаа хатагтай Зеленська нэн тэргүүнд Их Британи улсад талархал илэрхийлсэн бөгөөд засгийн газрын гишүүдийг дэлхийн хамтын нийгэмлэгийг нэгтгэж, Украин улсад өрнөж буй мөргөлдөөнийг дуусгавар болгоход туслахыг уриалжээ.
Хатагтай Зеленськагийн зүйрлэснээр ОХУ Украины хотуудыг бөмбөгдөж байгаа нь Дэлхийн хоёрдугаар дайны үеэр нацист Герман Их Британи улсыг бөмбөгдөж байсантай ижил тул тухайн үед Их Британи улс нацист германчуудад бууж өгөөгүйтэй адилаар тэд ч оросуудад бууж өгөхгүй гэсэн юм.
Түүний уриалгыг үргэлжлүүлэн Их Хурлын дарга Линдсей Хойл үг хэлсэн бөгөөд ноён Хойлын засгийн газрын гишүүдэд анхааруулснаар “Хэрэв Путин ялбал, тэр бусад улс орныг хараандаа авах болно” гэжээ.
Эх сурвалж: BBC