Даваа гарагт Израилийн ерөнхийлөгч Исаак Херцог Газын зурвас дахь хамгийн том эмнэлэг рүү агаараар довтолсон гэх мэдэгдлийг няцаажээ.

Түүнийг ийн мэдэгдэхээс өмнө Аль-Шифа эмнэлгийн ажилтан болоод ДЭМБ-ын тэргүүн Терос Адханом Гебрейюс нарын зүгээс Израилийн талыг эмнэлгийн байгууламж руу санаатайгаар довтолж байна хэмээн мэдэгдээд байсан юм. Улмаар Аль-Шифа эмнэлгийн мэс заслын тасгийн эрхлэгч Др.Марван Абу Саадагийн мэдээлснээр Израилийн тал палестинчуудын хорогдож буй эмнэлгийн байгууламж руу бөмбөгдөж байгаагаас үүдэн эмнэлэг дэх нөхцөл байдал хүнд байна гэсэн билээ. Харин ноён Гебрейюсийн зүгээс Аль-Шифа дахь нөхцөл байдал аймшигтай, аюултай байна хэмээн анхааруулж, Израилийн талыг галаа зогсооход уриалж байсан юм.

Тэгвэл ноён Херцогийн мэдэгдсэнээр, “Бидний зүгээс энэ бүхнийг няцаана. Хамас бүлэглэл нөхцөл байдлыг ихэд гуйвуулж байгаа. Гэхдээ Шифад цахилгаан тасраагүй, бүх зүйл нь ажиллаж байгаа” гэжээ.

Энэ талаар тэрээр BBC сувгийн сурвалжлагч Лаура Куэнссбергтэй ярилцахдаа өгүүлсэн байна.

Эх сурвалж: BBC