WNBA-гийн од Грайнер ялтан солилцох гэрээний дагуу эх орондоо буцахаар болжээ
2022, 12 сарын 9. 1:500

Мансууруулах төрлийн бодис биедээ хадгалсан, мөн хууль бусаар хил давуулах гэж оролдсон хэргээр Оросын шоронд ял эдэлж байсан АНУ-ын эмэгтэйчүүдийн мэргэжлийн сагсан бөмбөгийн тамирчин, WNBA-гийн од, Олимпын хошой алтан медальт Бритни Грайнер ялтан солилцох гэрээний дагуу эх орондоо буцах боломжтой болжээ.

АНУ-ын ерөнхийлөгч Жо Байден уг асуудалтай холбоотой хэвлэлийн бага хурал дээр хэлэхдээ, Грайнертэй шоронгоос суллагдсаных нь дараа ярилцсан гэдгээ дурдаад түүнийг эсэн мэнд аюулгүй байдалд байгаа ба одоо эх орондоо ирэхээр хүлгийн жолоо залсан хэмээв.

Байдены засаг захиргаа Оросын талтай хэлэлцээ хийснээр Грайнерийг АНУ-д ял эдэлж буй Оросын зэвсгийн наймаачин Виктор Буттай солилцох шийдвэрт хүрсэн бөгөөд энэхүү үйл ажиллагаа Арабын Нэгдсэн Эмират улсын Абу Даби нисэх онгоцны буудалд болсон юм.

WNBA-ийн Phoenix Mercury багт харъяалагддаг тэрээр энэ оны хоёрдугаар сард лигийн улирлын тэмцээний завсраар Оросын клубт тоглох зорилгоор Москва хотноо ирэх үедээ мансууруулах, сэтгэцэд нөлөөлөх бодис зөөвөрлөсөн хэргээр баривчлагдаад байсан юм.

Грайнер архаг хууч өвчнөө эмчлэх зорилгоор эмчийн жороор хуулиар зөвшөөрөгдсөн каннабисын төрлийн бүтээгдэхүүнийг хэрэглэдэг байснаа хүлээн зөвшөөрсөн бөгөөд ачаа тээшээ яаран эмхэлж байхдаа цахилгаан тамхинд хэрэглэдэг каннабисын тосон цэнэглэгчийг тээшиндээ андуурч хийсэн болохоо шүүх хурлын үеэр мэдэгдсэн ч Оросын шүүх түүнд есөн жилийн хорих ял оноосон талаар бид өмнө нь мэдээлж байсан билээ.

Эх сурвалж: YTN

Энэ мэдээнд өгөх таны сэтгэгдэл?
2
0
0
0
0
0
1
Сэтгэгдэл үлдээх
Нийт 0 сэтгэгдэл
Онцлох мэдээ
БНХАУ: Инчуан хот дахь Porsche автомашины борлуулагч 148,000 ам.долларын автомашиныг 18,300 ам.доллароор худалдах зар нийтэлжээ
02023-2-3 18:47
Боинг компани 747 загварын сүүлийн агаарын хөлгөө захиалагчид нь хүргэжээ
02023-2-3 17:41
Владимир Путин: 80 жилийн дараа бид дахин Германы танкнуудтай тулж байна
02023-2-3 15:21
Килиан Мбаппе Аваргуудын лигийн шөвгийн 16 клубийн эхний тоглолтыг өнжих болжээ
02023-2-3 14:44
Аmazon компанийн орлого өнгөрөгч 4-р улиралд 149.2 тэрбум ам.долларт хүрсэн нь зах зээлийн хүлээлтээс давжээ
02023-2-3 14:22
ОХУ, Беларусийг олимпод оролцохыг зөвшөөрсөн ОУОХ уг шийдвэртээ НҮБ-ын нэрийг барин тайлбар өгчээ
02023-2-3 13:44
Массачусетс: Хоригдлууд эрхтний донор болох замаар ялаа хөнгөлүүлэх хуулийн төслийг санаачилжээ
02023-2-3 12:41
Их Британийн Shell компани өнгөрсөн онд 39.9 тэрбум ам.долларын ашигтай ажиллаж дээд амжилт тогтоожээ
02023-2-3 2:28
Европын холбоо: ОХУ-ын эсрэг 10 дахь багц хориг арга хэмжээг Украины дайн эхэлсэн өдрөөс авч хэрэгжүүлж эхэлнэ
02023-2-3 1:49
2022 онд Япон улсад гэмт хэргийн гаралт сүүлийн 20 жилийн хугацаанд анх удаагаа өсжээ
02023-2-2 18:45