Гана улсын хойд хэсэгт үйл ажиллагаа явуулдаг нэгэн эмнэлэг саяхан Сулемана Абдул Самед гэх эрийн өндрийг хэмжжээ. Хэмжилтийн дүнд өдгөө 29 настай Сулемана 289 сантиметр өндөртэй болох нь тогтоогдсон байна. Улмаар Сулемана Абдул Самед дэлхийн хамгийн өндөр эрхмийн алдрыг хүртэх дөхжээ.
Гэвч үүнд нэг асуудал байсан нь эмнэлгийн зүгээс түүний өндрийг зөв хэмжсэн эсэхдээ эргэлзэж байсан юм.
Үйл явдлын хүрээнд BBC агентлагийн нэгэн сурвалжлагч Гана улсын Гамбага тосгонд очиж Сулемана Абдул Самедын өндрийг хэмжжээ. Гигантизмийн эмгэгтэй Сулеманагийн хувьд хэдий 29 нас хүрсэн ч өсөлт нь зогсоогүй юм. Гэсэн хэдий ч бодит хэмжилтээр түүний өндөр 225 сантиметр гэж гарсан байна. Харин дэлхийн хамгийн өндөр эрхэм буюу өдгөө 40 настай, турк эр Султан Көсен 253 сантиметр өндөр юм.
Тийнхүү хамгийн өндөр эрхэм гэх алдрыг хүртэж чадаагүй Сулеманагийн зүгээс итгэл найдвар тээж байгаагаа хуваалцаж, “Би одоо ч өсөж байгаа шүү дээ. Магадгүй нэг өдөр би 253 сантиметр өндөр болж болох юм. Хэн мэдлээ!?” гэжээ.
Эх сурвалж: BBC