Уур амьсгалын өөрчлөлтийн улмаас сүүлийн үед Европын Альпийн нурууны мөс хайлж буйн “ачаар” хэдэн арван жилийн өмнө алга болсон уулчны цогцсыг олжээ.
Швейцарийн Зермат цанын баазын ойролцоо орших Теодул мөсөн голын эргээс уулчид 37 жилийн өмнө буюу 1986 онд сураггүй алга болсон Герман уулчны цогцсыг олсон тухай ВВС агентлаг энэ сарын эхээр мэдээлсэн байна.
Тухайн үед эрэн хайх, аврах ажиллагааг өргөн хүрээнд явуулсан ч амжилтад хүрээгүй бөгөөд цагдаа нар Герман эрийг алга болох үедээ 38 настай байсан хэмээн тайлбарлав.
Теодул мөсөн гол нь Европ дахь хамгийн өндөрт тооцогддог Зермат цанын баазын дөрвөн улирлын турш гулгах боломжтой маш алдартай бүс бөгөөд 1980-аад он хүртэл хөрш Горнерийн мөсөн голтой холбогдож байсан ч дэлхийн дулаарлын нөлөөгөөр өдгөө тусгаарлагдаад байгаа билээ.
Эх сурвалж: YTN