Даваа гарагийн их үдийн үед Тайланд улсын хойд хэсэгт 19 сартай нэгэн охин тоглож байгаад санамсаргүй байдлаар 13 метр гүн худгийн нүхэнд унажээ.

Охины эцэг эхийн хувьд худгийн ойролцоо тариалангийн талбай дээр ажиллаж байсан юм. Тэд ажилдаа гарахдаа охиныг модны сүүдэрт үлдээсэн ч тэднийг эргэн ирэхэд охин олдохгүй, ойролцоох газраас бага насны хүүхдийн уйлах чимээ л сонсогдож байжээ. Улмаар тэд холбогдох албаныханд мэдэгдэж, аврах ангийнхан аврах ажиллагааг даруй эхлүүлсэн байна. Аз болоход аврах багийн шаргуу хөдөлмөрийн дүнд охин амьд олджээ.

Охиныг олсон даруй тэд түүнийг эмнэлэгт хүргэсэн бөгөөд охин хөнгөн гэмтэлтэй олдсон байна.

Цагдаагийн албанаас мэдэгдсэнээр, “Охин ядарч сульдсан байдалтай байгаа ч амин үзүүлэлтүүд нь сайн байгаа” гэсэн юм.

Эх сурвалж: BBC