Газад өлсгөлөн нүүрлэх эрсдэл нэмэгдэж байгааг НҮБ анхаарууллаа
3 сарын 1. 17:220

Дайны хөлд нэрвэгдсэн Газын зурваст өлсгөлөн, нийгмийн эмх замбараагүй байдал үүсэх эрсдэл нэмэгдэж байгааг НҮБ-ын агентлагууд болон холбогдох албаныхан пүрэв гарагт анхаарууллаа.

Мөн тусламж авахаар хүлээж байсан Палестины энгийн иргэдийг хөнөөсөн явдлыг зэмлэн буруушааж, мөргөлдөөнийг зогсоохыг уриалав. НҮБ-ын Ерөнхий нарийн бичгийн даргын хэвлэлийн төлөөлөгч пүрэв гарагт Газын асуудлаар мэдэгдэл хийж, олон хүний амь нас эрсэдсэн эмгэнэлт явдалд НҮБ-ын тэргүүн гүнээ харамсаж байгааг уламжилжээ.

“Өнөөдөр Газын умард хэсэгт 100 гаруй хүн тусламжийг авахаар хүлээж байгаад амиа алдсан гэх мэдээллийг Ерөнхий нарийн бичгийн дарга буруушааж байна. Газын зурвасын энгийн иргэд цөхрөнгөө барж байна, ялангуяа НҮБ-ын зүгээс долоо хоногийн турш тусламж хүргэж чадаагүй байгаа хойд хэсгийн оршин суугчдад тусламж хэрэгтэй байна” гэж дээрх мэдэгдэлд дурджээ.

Израилын арми Газын зурвасын ойролцоо хүмүүнлэгийн тусламж авахаар хүлээж байсан олон хүн рүү пүрэв гарагт гал нээсний улмаас 104 хүн амь үрэгдсэн байна. Өнгөрсөн оны 10 дугаар сард Израилын тал ХАМАС бүлэглэлийн эсрэг довтолгоо эхлүүлснээс хойш Газын зурваст 30 мянга гаруй палестин хүн амь үрэгдсэн тухай ХАМАС-ын Эрүүл мэндийн яам мөн өдөр мэдэгджээ.

Үүний зэрэгцээ, НҮБ-ын Хүмүүнлэгийн хэрэг эрхлэх газар /OCHA/ Газад өлсгөлөн нүүрлэж болзошгүйг пүрэв гарагт анхааруулаад, зургаан нярай хүүхэд хоол тэжээлийн дутагдал, шингэн алдалтын улмаас нас барсан гэж Газын орон нутгийн эрүүл мэндийн байгууллагуудаас эш татан мэдээлсэн байна. “Газад өлсгөлөнгийн улмаас нас барах эрсдэл нэмэгдэж, үүнд хүүхэд, жирэмсэн эмэгтэйчүүдэд ихээр өртөх эрсдэлтэй байгаа бөгөөд ус, ариун цэврийн байгууламж, эрүүл мэндийн үйлчилгээ хангалтгүй, эрчим хүч, түлшний хангамж тасарсан, хүнс, хөдөө аж ахуйн бүтээгдэхүүн хомсодсон зэргээс шалтгаалан нөхцөл байдал улам дордож байна” гэж OCHA-гийн тайланд дурджээ.


Эх сурвалж: Xinhua /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
1
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Програм хангамж хөгжүүлэгч Oracle компани Япон дахь дата төвд 8 тэрбум ам.долларын хөрөнгө оруулалт хийнэ
02024-4-20 4:24
Бразил: Нас барсан хамаатныхаа цогцсыг тэргэнцэр дээр суулган банкаар үйлчлүүлж, түүний нэр дээр зээл авахаар завджээ
02024-4-19 18:41
Нигерийн арми арван жилийн өмнө хулгайлагдсан эмэгтэйг 3 хүүхдийн хамтаар аварчээ
02024-4-19 16:33
Meta компани өөрийн аппликейшнуудаар дамжуулан хиймэл оюун ухаан бүхий шинэ туслахаа хэрэглээнд нэвтрүүллээ
02024-4-19 15:34
АНУ: ХНС-ийн бодлогын хүү тодорхойлогчийн зүгээс бодлогын хүүг бууруулахад яарах зүйл байхгүй байгааг сануулжээ
12024-4-19 15:08
Стрийминг үйлчилгээ үзүүлэгч Netflix 2024 он гарсаар 9.3 сая хэрэглэгчээр хүрээгээ тэлжээ
12024-4-19 14:40
Казахстанд үерийн улмаас 634 цооногийн олборлолтыг түр зогсоожээ
12024-4-19 12:12
“Формула-1”-ийн Хятадын Гран При эхэлж байна
12024-4-19 12:08
Израилын тал Иранд цохилт өгчээ
02024-4-19 12:05
НҮБ-д гишүүнээр элсэх Палестины хүсэлтэд АНУ хориг тавив
12024-4-19 11:02