Линкюпинг Их сургууль болон КТХ Технологийн институт дэх судлаачид дэлхийн анхны модон цахилгаан транзисторыг бүтээж, үр ашигтай, тогтвортой байдлын хувьд салбартаа үнэтэй хувь нэмэр оруулжээ.
Энэ талаарх мэдээллийг тэд өнгөрөгч долоо хоногийн пүрэв гарагт хуваалцсан байна.
Үйл явдлын хүрээнд Линкюпинг Их сургуулийн Органик электроникийн лабораторийн дэд ахлах профессор Исак Энгквистийн мэдэгдсэнээр, “Бид урьд өмнө байгаагүй зүй тогтлыг нээлээ. Мэдээж модон транзистор нь удаан бас овор ихтэй ч бүрэн ажиллагаатай бөгөөд хөгжүүлэлтийн хүрээнд асар их боломжтой” гэсэн юм.
Энэ нь эрдэмтэд модон транзистор бүтээх гэсэн анхны оролдлого биш ч өмнөх туршилтуудын хүрээнд бүтээсэн транзисторууд зөвхөн ион дамжуулалтыг л зохицуулах чадамжтай байжээ. Улмаар тэдгээр транзисторууд ион дуусахад ажиллахаа больж байсан нь бүр ч дордуулж байсан юм.
Харин эрдэмтдийн бүтээсэн шинэ транзистор нь зогсолтгүй ажиллах чадвартай бөгөөд цахилгааны урсгалыг эвдэхгүйгээр зохицуулах гэнэ. Үүний шалтгаан нь транзисторыг тэд бальза гэх модоор бүтээсэнтэй холбоотой юм.
Ташрамд дурдахад модон транзисторыг унтраахад нэг секунд шаардагдаж байсан бол буцаад асахад 5 орчим секунд зарцуулж байжээ.
Эх сурвалж: Interesting Engineering