АНУ-ын Эрчим хүчний яамнаас сар бүр гаргадаг тайлангаас үзвэл өнгөрөгч дөрөвдүгээр сард тус улсын шингэрүүлсэн байгалийн хийн экспорт 2.2 хувиар өсжээ. Тодруулбал, дөрөвдүгээр сард нийт 10.6 тэрбум шоо метр шингэрүүлсэн байгалийн хий экспортолсон байна.
Мөн дөрөвдүгээр сарын байдлаар Америкийн шингэрүүлсэн байгалийн хийн хамгийн том худалдан авагчдаар Их Британи болон Нидерланд улс тодорсон бөгөөд Итали улс 2022 оны тавдугаар сараас хойш анх удаагаа Америкийн шингэрүүлсэн байгалийн хийн топ 5 импортлогчдын нэг болжээ.
Тийнхүү дөрөвдүгээр сарын шингэрүүлсэн байгалийн хийн экспортыг өнгөрөгч оны мөн үетэй харьцуулахад даруй 13.4 хувиар өссөн үзүүлэлттэй гарсан байна.
ТАСС мэдээллийн агентлагаас мэдээлснээр АНУ он гарсаар нийт Европ тив рүү нийт 30.3 тэрбум шоо метр байгалийн хий нийлүүлсэн бол Ази тив рүү 7.8 тэрбум шоо метр байгалийн хий нийлүүлжээ.
Эх сурвалж: ТАСС