Мягмар гарагт Ройтерс агентлагаас мэдээлснээр үнийн өсөлтөд поп одууд хувь нэмрээ оруулж байна гэжээ. Тэдний ийн мэдээлэх болсон шалтгаан нь бараа бүтээгдэхүүний үнэ буурч байхад оддын тоглолтуудын тасалбарын үнэ эдийн засагч нарын хараанд өрттөл өссөөр байгаа юм.
Сүүлийн хэдэн жил аялан тоглолт хийгээгүй дуучин Тэйлор Свифт, Брюс Спрингстин нарын тоглолтыг үзэхээр шүтэн бишрэгчид нь үлэмж хэмжээний мөнгө зарцуулж байгаа бол зарим улс орон Бейонсег инфляцын өсөлтдөө буруутгаад амжсан энэ цаг үед Ройтерс агентлагаас инфляцыг Бейфляц, Свифтфляц хэмээн нэрийдээд ч амжсан байна. Нийтлэлийн хүрээнд дуучин Бейонсегийн шүтэн бишрэгч Марио Илхиэмэгийн хэлснээр, “Хүмүүс чанартай контент үзэхээ мэдэж байгаа учраас мөнгөө шавхахад бэлэн байгаа. Тэгээд ч энэ тоглолтын дараагаар түүнийг хэзээ тоглолт хийхийг хэн ч мэдэхгүй шүү дээ. Дахиад тоглолт хийхгүй ч байж болно” гэсэн юм.
Ройтерс агентлагаас мэдээлснээр Их Британи улсад л гэхэд сүүлийн нэг жилийн хугацаанд урлаг соёлын номер, үзэсгэлэнгийн үнэ 6.8 хувиар өссөн нь сүүлийн 30 жилийн хугацаан дахь хамгийн хурдацтай өсөлт байсан гэнэ.
Эх сурвалж: The Reuters