Бруклин хотод төвтэй MSCHF урлагийн нэгдэл давсны ширхгээс ч жижигхэн хэмжээтэй гар цүнхийг дуудлага худалдаанд оруулжээ. Улмаар дуудлага худалдааны дүнд цүнх 63,750 ам.доллароор зарагдсан байна.
Энгийн хүний нүдэнд бараг харагдахгүй шахам энэ цүнх 657 х 222 х 700 микрометрийн хэмжээтэй юм. Тийнхүү цүнхийг харахад заавал микроскоп ашиглах шаардлагатай ажээ.
Цүнхийг олон нийтэд танилцуулахдаа MSCHF урлагийн нэгдлийн тодорхойлсноор, “Том гар цүнхнүүд, энгийн гар цүнхнүүд, жижиг гар цүнхнүүд гээд төрөл бүрийн цүнх бий. Гэхдээ энэ бол цүнхийг жижигсгэх оролдлогын эцсийн цэг” гэсэн юм.
Эх сурвалж: BBC