АНУ-ын импортын хэмжээ буурахын хэрээр гадаад худалдааны алдагдал ч мөн адил буурсан байна.

Тус улсын Худалдааны яамны зүгээс мэдээлснээр өнгөрөгч тавдугаар сард бараа, үйлчилгээний худалдааны алдагдал 69 тэрбум ам.долларт хүрч өмнөх сартай харьцуулахад 7.3 хувиар буурсан болохыг онцлов.

Өнгөрөгч тавдугаар сард АНУ-ын экспортын хэмжээ 0.8 хувиар буурсан бол импорт 2.3 хувиар буурч 2021 оны аравдугаар сараас хойш буюу сүүлийн 1 жил 7 сарын хугацаан дахь хамгийн доод түвшинд хүрсэн явдал нь худалдааны алдагдал ийнхүү буурахад нөлөөлөх гол хүчин зүйл болжээ.

Импортын хэмжээ огцом буурсан нь инфляци, зээлийн хүүгийн өсөлт, эдийн засгийн тодорхойгүй байдлаас шалтгаалж нийт хэрэглээний эрэлт буурсантай холбоотой гэж шинжээчид дүгнэсэн байна.

Тодруулбал, америкчууд мөн хугацаанд гадны орнуудад 12 тэрбум ам.доллар зарцуулсан нь энэ жилийн хамгийн бага үзүүлэлт болоод буй аж.

Эх сурвалж: MBC