Өнгөрөгч долоо хоногийн пүрэв гарагт Мета компани шинэ олон нийтийн цахим сүлжээний платформ болох Threads аппликейшнаа хэрэглээнд нэвтрүүлсэн билээ. Мета компанийн гүйцэтгэх захирал Марк Закербергийн хэлснээр тэр уг платформыг Твиттер платформтой өрсөлдөхүйц хэмжээнд хүргэхээр зорьж байгаа юм.

Аппликейшныг хэрэглээнд нэвтрүүлэхтэй зэрэгцэн мэргэжилтнүүдийн үзэж байгаагаар Threads аппликейшн нь Твиттерийн үйл ажиллагаанд сэтгэл ханамжгүй байгаа хэрэглэгчдийг олноор төвлөрүүлж магадгүй гэсэн байна.

Нийт 500 тэмдэгтэд багтаан санал сэтгэгдлээ илэрхийлж, хүмүүстэй харилцан мэтгэлцэх энэхүү платформ одоогоор Европын Холбооны улсуудад хэрэглээнд нэвтрээгүй байгаа юм. Гэсэн ч ноён Закербергийн хэлснээр тус аппликейшн хэрэглээнд нэвтэрсэн эхний 5 хоногтоо 100 сая хэрэглэгчийг төвлөрүүлж чаджээ.

Эх сурвалж: BBC