АНУ-ын Төв банк болох ХНС-ийн зүгээс инфляцын эрчимтэй өсөлттэй тэмцэхээр сүүлийн жил гаруйн хугацаанд бодлогын хүүгээ хурдацтай нэмэгдүүлсэн билээ. Улмаар ХНС-ийн авсан арга хэмжээний дүнд АНУ дахь инфляц жилийн өмнөхтэй харьцуулахад буурч, тогтворжсон юм.
Тэгвэл ХНС-ийн зарим өндөр албан тушаалтнуудын зүгээс инфляцын өсөлтийг бүрэн зогсоохын тулд ирэх хоёр сард бодлогын хүүг дараалуулан өсгөх саналыг дэмжжээ.
ХНС-ийн бодлого боловсруулагчдын хувьд энэ сарын сүүлээр буюу 26-27 өдрүүдэд хуралдах бөгөөд хөрөнгө оруулагчдын таамаглаж байгаагаар тус хурлаар ХНС бодлогын хүүгээ 25 суурь нэгжээр өсгөх магадлал 92 хувьтай байгаа юм.
Хэрэв ХНС-ийн бусад бодлого боловсруулагчид эл саналыг дэмжвэл АНУ-ын бодлогын хүү энэ сар болон ирэх сард тус тус тодорхой хэмжээгээр өсөх ажээ.
Эх сурвалж: CNN