Мягмар гарагт Хенли Паспорт Индексээс 2023 оны хамгийн хүчтэй паспорт аль улсынх болохыг тодруулснаа танилцуулжээ. Тайлангаас үзвэл энэ оны хувьд хамгийн хүчтэй паспорттой улсаар Сингапур улс тодорсон байна.
Хенли Паспорт Индексийн зүгээс IATA буюу Олон улсын Агаарын тээврийн Газраас авсан тоон мэдээлэлд үндэслэн дэлхийн 199 орны паспортын хүрээнд уг тайланг боловсруулсан юм.
2022 оны хувьд дэлхийн хамгийн хүчтэй паспорттой улсаар Япон улс тодорч байсан ч тэд тийнхүү уг байр сууриа алджээ.
Сингапур улсын гадаад паспорт тус байр суурийг эзлэхэд нөлөөлсөн гол хүчин зүйл юу байсныг авч үзвэл, тус паспорттой хүн дэлхийн 192 оронд визгүй зорчих боломжтой гэнэ. Харин тус улсын дараагаар ямар, ямар улс жагссаныг сонирхвол, хоёрдугаар байрт Герман, Итали, Испани улсууд хамт бичигдэж, Япон улс гуравдугаар байр руу ухарчээ.
Жагсаалтын хамгийн сүүлд нийт 27 орон руу л визгүй зорчдог Афганистан улсын паспорт жагссан бол Монгол улсын гадаад паспорт уг жагсаалтын 77 дугаар байрт Бенин улстай хамт бичигдсэн байна.
Эх сурвалж: Henley Passport Index