Unilever компаниас мэдэгдсэнээр тэдний орос ажилтнуудад цэргийн зарлан дуудах хуудас ирвээс ажилтнуудаа цэрэгт явуулна гэжээ.
Тус компанийн хувьд ОХУ-д нийт 3,000 орчим хүнийг ажлын байраар хангадаг юм.
BBC агентлагаас мэдээлснээр Unilever ажилтнуудынхаа эрүүл энх, аюулгүй байдлыг хангах бодлоготой хэдий ч B4Ukraine компанит ажилд хандсан захидалдаа Оросын цэрэг татлагын хуулийг дагахаа мэдэгдсэн гэнэ.
Олон улсын зүгээс Unilever компанийн Оросын зах зээлийг орхихгүй гэсэн шийдвэрийг хурцаар шүүмжилж байгаа ч тэд өөрсдийн шийдвэрийг өмгөөлсөөр байгаа юм.
Үйл явдлын хүрээнд тус компанийн бизнесийн үйл ажиллагаа хариуцсан захирал Режиналдо Экклиссатогийн хэлснээр, “Бид үргэлж үйл ажиллагаа явуулж буй улсынхаа хууль журмыг дагаж мөрддөг” гэжээ.
Улмаар тэдний эл мэдэгдэл олон хүний эгдүүцлийг хүргээд байгаа юм.
Эх сурвалж: BBC