Даваа гарагт олон улсын зах зээлд газрын тосны үнэ өсжээ. Улмаар Лондоны ICE бирж дээр Брент Крюдын есдүгээр фьючерсийн үнэ өнгөрөгч дөрөвдүгээр сарын 25-ы өдрөөс хойш анх удаагаа нэг баррель нь 83 ам.долларыг давсан байна.

ТАСС мэдээллийн агентлагаас мэдээлснээр даваа гарагт Москвагийн цагаар оройн 07:38 минутад Брент Крюдын нэг баррель газрын тосны үнэ 3.012 хувиар өсөж, 83.04 ам.долларт хүрсэн гэсэн юм.

Харин оройн 08:19 минутын үед Брент Крюдын нэг баррель газрын тосны үнэ ялимгүй буурч, 82.98 ам.долларт хүрчээ.

Тэгвэл Уэст Техас Интермедиатын түүхий газрын тосны есдүгээр сарын фьючерсийн үнэ 2.78 хувиар өсөж, нэг баррель нь 79.10 ам.доллар болсон байна.

Эх сурвалж: ТАСС