Үүрэн холбооны оператор Virgin Media O2 компани энэ оны сүүлээр Их Британи дахь нийт ажилтнуудынхаа 12 хувийг цомхотголд оруулах болжээ. Тус компанийн нийт ажилтнуудын 12 хувь гэдэг 2,000 орон тоотой тэнцэх юм.
Virgin Media O2 компанийн хувьд өмнө нь аль хэдийн 800 ажилтнаа орон тооны цомхотголд оруулахаа зарлаад байсан билээ. Тэгвэл үүн дээр нэмэн 1,200 орчим ажилтан орон тооны цомхотголд орох гэнэ.
Компанийн хэвлэлийн төлөөлөгчийн хэлснээр, “Бидний зүгээс нэг компани болон нэгдэж, хувьсахын төлөө хичээж байгаа бөгөөд хэрэглэгчдэдээ илүү хүрч ажиллахын тулд үйл ажиллагааны загвараа хялбарчлахаар оролдож байна. Тиймээс ч энэ үйл явцын хүрээнд зарим орон тоог танах хэрэгцээ шаардлага үүсэж байгаа. Аливаа өөрчлөлтийн үе хэзээд амархан байдаггүй шүү дээ” гэжээ.
Эх сурвалж: BBC