Украиныг эзлэн түрэмгийлснээс хойш өрнөдийн орнуудын авч хэрэгжүүлж буй хориг арга хэмжээний улмаас олон улсын санхүүгийн гүйлгээ хийхэд ихээхэн хүндрэлтэй байгаа ОХУ энэ төрлийн хориг арга хэмжээг тойрон гарахын тулд дижитал мөнгөн тэмдэгт буюу дижитал рублийг хэрэглээнд нэвтрүүлэхээр болжээ.
Оросын төрийн мэдлийн мэдээллийн хэрэгслүүдийн орон нутгийн цагаар 25-ны өдөр мэдээлснээр, ерөнхийлөгч Путин өмнөх өдөр нь дижитал рубль болон холбогдох цахим платформыг нэвтрүүлэх тухай хуульд гарын үсэг зурсан болохыг онцолсон байна. Үүний үр дүнд дижитал рублийг төлбөр, шилжүүлгийн хэрэгсэл болгон ашиглаж болох бөгөөд өв залгамжлах ч боломжтой аж.
Шинээр хөгжүүлж буй дижитал рублийн платформын тусламжтайгаар олон улсын мөнгөн гүйлгээг хийх боломжтой болж буй хэдий ч дижитал рубль ашиглан банкинд данс нээх, зээл авах боломжгүй гэнэ.
Өнгөрсөн оны хоёрдугаар сард ОХУ Украинд халдан түрэмгийлснээс хойш Олон улсын банк хоорондын гүйлгээний SWIFT сүлжээнээс Оросын банкнуудыг хасах зэргээр өрнөдийн орнууд хориг арга хэмжээ авсны хариуд ийнхүү шийдвэрлэсэн юм.
Дижитал рубль нь 2025 он гэхэд олноор гарах аж.
Эх сурвалж: Asiae