Хятад улс 24-ний өдрөөс эхлэн Японы далайн гаралтай хүнсний бүтээгдэхүүний импортыг бүрэн зогсоож байгаагаа мэдэгдлээ.
Японы тал атомын цахилгаан станцын бохирдсон усыг задгай далайд цутгасны дараахан “Японы далайн гаралтай хүнсний бүтээгдэхүүний импортыг бүрэн хязгаарлах тухай мэдэгдэл"-ийг Хятадын Гаалийн ерөнхий газрын зүгээс мөн өдөр олон нийтэд хүргэсэн байна.
Тодруулбал “Япон улс Фүкүшима атомын цахилгаан станцын бохирдсон усыг задгай далайд цутгасантай холбогдуулан цацраг идэвхт бодисоор бохирлогдсон хүнсний бүтээгдэхүүн импортлогдон орж ирэхээс урьдчилан сэргийлэх, Хятадын хэрэглэгчдийн эрүүл мэндийг сахин хамгаалах, импортын хүнсний бүтээгдэхүүний аюулгүй байдлыг хангах зорилгоор Японоос далайн гаралтай бүтээгдэхүүн импортлохыг бүрмөсөн хязгаарлах шийдвэрийг гаргахаас аргагүйд хүрлээ” хэмээн Гаалийн ерөнхий газрын мэдэгдэлд дурджээ.
Эх сурвалж: MBC