Пүрэв гарагт Amazon компани 2023 оны хоёрдугаар улирлын тайлангаа танилцуулжээ. Тайланд дурдсанаар тус компани өнгөрөгч улиралд чамгүй ашигтай ажилласан байна. Улмаар тайланг танилцуулсны дараагаар баасан гарагт тус компанийн нэгж хувьцааны үнэлгээ өсөлттэй үнээр худалдаалагдах болжээ.
Amazon компаниас танилцуулснаар өнгөрөгч улиралд тус компанийн борлуулалт нийт 134.4 тэрбум ам.долларт хүрснээр 2022 оны мөн үеийн борлуулалттай харьцуулахад 11 хувиар өсөлттэй гарсан гэнэ.
Тайланг танилцуулахаас өмнө шинжээчдийн зүгээс тус компанийн борлуулалтыг 131.1 тэрбум ам.долларт хүрнэ гэж таамаглаж байсан бол Amazon тэдний таамаглалыг давуулж чаджээ.
Тийнхүү тайланд үндэслэн Amazon компани гуравдугаар улирлын борлуулалтаа 9-13 хувийн өсөлттэй гарна гэж тооцсон байна.
Эх сурвалж: CNN