Даваа гарагт ТАСС мэдээллийн агентлагаас мэдээлснээр АНУ-ын ерөнхийлөгч асан Доналд Трампийн үеийн засгийн газарт ажиллаж байсан Үндэсний Аюулгүй байдлын зөвлөх Жон Болтон Уолл Стрийт Журнал сэтгүүлд өгсөн ярилцлагадаа одоогийн ерөнхийлөгч Жо Байдены бодлогыг ердөө л Украины ялагдлыг хойшлуулж буй хүчин хэмээн тодорхойлжээ.
Түүний хэлснээр, “Украины сөрөг дайралтын бүтэлгүйтэл болоод Оросын хамгаалалтын амжилтууд нь нэг л нийтлэг үндэслэлтэй: Барууны орнуудын зэвсгийн ямар ч стратегигүй, гацсан, удаан нийлүүлэлт.
Тэд энэ ч зэвсгийн системийг нийлүүлнэ, тэр ч зэвсгийг нийлүүлнэ гэж цуврал мэтгэлцээн өрнүүлж, ОХУ-ыг НАТО-ийн эсрэг дайн өдөөнө гэж айж, Кремль цөмийн зэвсгээ хааяахан дурдахад барууны нийслэлүүд сонор сэрэмжээ чангатгаж байна. НАТО-ийн зүгээс Украин улсын бүрэн эрхт байдал, тусгаар тогтнолыг сэргээх амлалтаа биелүүлэхийг хүсэхгүй байх шиг харагдаж байна” гэжээ.
Эх сурвалж: ТАСС