Лхагва гарагийн орой Нигер улсын цэргийн алба хаагчид улсдаа төрийн эргэлт хийж, газрын болон агаарын хилээ хаасан тухай мэдэгдсэн билээ. Тэгвэл олон улсын зүгээс цэргүүдийн эл үйлдлийг буруушааж, дэг журамдаа эргэн орохыг уриалжээ.
Улмаар Нигер улсыг колоничлолдоо байлгаж асан Франц улс хийгээд Баруун Африкийн бүс нутгийн ECOWAS блокийн зүгээс цэргүүдэд ерөнхийлөгч Базоумыг нэн даруй суллахыг шаардсан бөгөөд үндсэн хуулиа эргүүлэн мөрдөхийг уриалсан байна. Мөн ОХУ-ын Гадаад хэргийн сайд Сергей Лавров ч Нигер улсыг үндсэн хуулиа сэргээхэд уриалсан гэнэ.
Гэвч цэргүүдийн зүгээс аль хэдийн гадны түншүүдээ улсынх нь дотоод асуудалд оролцохгүй байхыг хүсээд амжсан юм.
Африк тивийн баруун болон төвийн хэсгээр энэ мэт төрийн эргэлт 2020 оноос эрчимжсэн бөгөөд энэ удаагийн төрийн эргэлт нь 2020 оноос хойш тус бүсийн хүрээнд хийгдэж буй ес дэх удаагийнх ажээ.
Эх сурвалж: The Reuters