Баасан гарагт ноён Илон Маскийн мэдэгдсэнээр X платформ ойрын хугацаанд хэрэглэгчид нэгнийгээ ”блок” хийдэг тохиргоог цуцална гэжээ. Түүний хэлж байгаагаар энэ тохиргоо нь ямар ч утгагүй гэсэн юм.
Гэхдээ уг өөрчлөлтийн дараагаар хэрэглэгчид нэгнээ “блок” хийх боломжгүй болох ч хэн нэг хүнийг өөр рүү тань зурвас илгээхээс хориглож болох ажээ.
Харин хэрэглэгчдийн зүгээс түүний эл шийдвэрт тийм ч нааштай хандаагүй бөгөөд тэдний хэлснээр уг тохиргоог арилгаснаар тэд доромж агуулсан утга бүхий постуудаас амархан ангижрахгүй гэсэн байна.
Олон нийтийн сүлжээний платформуудын хувьд дийлэнх нь уг тохиргоог хэрэглээнд нэвтрүүлсэн байдаг тул хэрэглэгчид өөрсдийн үзэхийг хүсэхгүй байгаа пост, контентоо удирддаг юм. Тэгвэл Twitter буюу өдгөө X гэх болсон платформыг үүсгэн байгуулагч Жак Дорси ч эл шийдвэрийн хүрээнд хүрээнд өөрийн саналыг хэлсэн нь, “100%. Зөвхөн “mute” хийх” хэмээж, ноён Маскийн шийдвэрийг дэмжиж буйгаа илэрхийлжээ.
Эх сурвалж: BBC