Лхагва гарагт ТАСС мэдээллийн агентлаг Росстат статистикийн газрын ОХУ дахь ажилгүйдлийн түвшнийг тогтоосон судалгаагаа танилцуулжээ.

Судалгаагаар өнгөрөгч долоодугаар сард тус улс дахь ажилгүйдлийн түвшин 3 хувьд хүрсэн байна. Ингэснээр ОХУ-ын ажилгүйдлийн түвшин бүх цаг үеийн доод хэмжээнд хүрчээ.

Тус улсын ажилгүйдлийн түвшний хувьд өнгөрөгч зургаадугаар сард 3.1 хувьтай гарч байсан бол долоодугаар сард уг үзүүлэлт 0.1 хувиар буурсан байна.

Росстат статистикийн газраас мэдэгдсэнээр тэд ажилгүйдлийн түвшнийг тооцохдоо ОХУ дахь 15 болон түүнээс дээш насны, хөдөлмөрийн чадамжтай бүх иргэнийг хамруулсан гэсэн юм.

Тийнхүү ажилгүйдлийн түвшин 3 хувьд хүрсэн нь тус улсын нийт 2.3 сая хүнтэй тэнцэж буй ажээ.

Эх сурвалж: ТАСС