Ням гарагт БНХАУ-ын Үндэсний хөгжил, шинэчлэлийн комиссоос мэдэгдсэнээр 2023 онд тус улсын байгалийн хийн хэрэглээ нийт 7.6 хувиар өссөн гэжээ. Уг үзүүлэлтийг танилцуулсан тус комиссын зүгээс тайлбарласнаар энэхүү өсөлт нь тэдний ногоон хөгжлийг дэмжих явцад багагүй ахиц гарч буйг харуулж байна гэсэн юм.
Тийнхүү тайлангаас үзвэл тус улс өнгөрөгч онд нийт 394.53 тэрбум шоо метр байгалийн хий хэрэглэсэн байна.
Түүнчлэн өнгөрөгч арванхоёрдугаар сард л гэхэд тус улсын байгалийн хийн хэрэглээ 37.65 тэрбум шоо метрээр хэмжигджээ. Энэ нь 2022 оны арванхоёрдугаар сартай харьцуулахад даруй 9.5 хувиар өссөн үзүүлэлт юм.
Ташрамд дурдахад БНХАУ-ын хувьд өнгөрөгч онд нийт 229.7 тэрбум шоо метр байгалийн хийг олборлосон бол үлдсэн хэсгийг нь бусад улс орноос экспортолжээ.
Эх сурвалж: Xinhua