Өнгөрөгч оны дөрөвдүгээр сард Украин улсын нутаг дэвсгэрт цэргийн тусгай ажиллагаа явуулж эхэлснээсээ үүдэн НҮБ-ын хүний эрхийн зөвлөл дэх гишүүнчлэлээ хасуулсан ОХУ тус зөвлөлд дахин нэгдэхээр эрмэлзэх болжээ. Улмаар тэд ирэх сард болох НҮБ-ын хүний эрхийн зөвлөлийг томилох сонгуульд оролцох хүсэлтээ уламжилж, НҮБ-ын гишүүдээс тусламж хүссэн байна. Эл баримтын хуулбарыг BBC суваг олж авснаар тэд энэ талаар мэдээлсэн юм.

Тийнхүү баримтад өгүүлснээр ОХУ зөвлөлийн сонгуульд нэр дэвшихдээ хүний эрхийн асуудлуудын хүрээнд зохих шийдлүүдийг хайж, зөвлөлийг нэг бүлэг улсын улс төрийн эрх ашгийн төлөө зүтгэхээс сэргийлэх хүчин болох боломжийг олгооч гэжээ.

BBC сувгаас мэдээлснээр НҮБ-ын хүний эрхийн зөвлөлийг тохилох сонгууль ирэх сарын аравны өдөр болно гэсэн юм. Сонгуулийн хүрээнд ОХУ Албани, Болгар улсуудтай өрсөлдөх бөгөөд гурван улсын хоёр нь зөвлөлийн гишүүнээр сонгогдох билээ.

Эх сурвалж: BBC