Ши Жиньпин Европын Холбооны удирдлагуудтай уулзлаа
2023, 12 сарын 7. 13:180

БНХАУ-ын дарга Ши Жиньпин Европын Зөвлөлийн тэргүүн Шарль Мишель, Европын Комиссын дарга Урсула фон дер Ляйен нартай уулзсан тухай Хятадын төв телевиз мэдээлэв.

Уулзалт Бээжин хот дахь "Дяоюйтай" төрийн ордонд болжээ. Хятад-Европын дээд хэмжээний 24 дэх удаагийн уулзалт орон нутгийн цагаар 11:00 цаг орчимд эхэлсэн байна.

Биечлэн хийсэн өмнөх дээд түвшний уулзалт 2019 онд болсон юм. Энэ удаагийн хэлэлцээ хоёр өдөр үргэлжлэх ёстой байсан боловч Украины асуудлаар Европын Холбооны /ЕХ/ гишүүд санал зөрөлдсөний улмаас Европын тал хөтөлбөрөө танажээ. Гол үйл явдлууд 12 дугаар сарын 7 буюу өнөөдөр болох бөгөөд үүний дараа Ш.Мишель Европыг зорих аж. Харин хатагтай Урсула фон дер Ляйен Бээжинд дахин нэг өдөр байх эсэх нь одоогоор тодорхойгүй байгаа юм.

"Хятад, ЕХ нь дэлхийн тогтвортой байдлыг бэхжүүлэх үүрэгтэй. Бид хөгжилд илүү их түлхэц өгч, дэлхийн засаглалыг удирдан дэмжих ёстой" гэж Хятадын удирдагч Европын Зөвлөлийн ерөнхийлөгч Шарль Мишель, Европын Комиссын дарга Урсула фон дер Ляйен нартай хийсэн уулзалтын үеэр онцолсон байна.

Тэрбээр цааш хэлэхдээ, дэлхий дахинд "их өөрчлөлт явагдаж байна" хэмээгээд Хятад, ЕХ нь олон туйлт тогтолцоонд эергээр нөлөөлөхийн сацуу гол зах зээлүүдийг бүрдүүлэн даяаршилд хувь нэмэр оруулж байна хэмээн онцолжээ.

Харин БНХАУ-ын дарга Ши Жиньпиний зүгээс "Хятад-Европын харилцаа нь дэлхий нийтийн энх тайван, тогтвортой байдал, хөгжил цэцэглэлтэд нөлөөлдөг" гэж дурдсан байна.


Эх сурвалж: ТАСС/МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Шатахуун экспортлохыг хориглох шийдвэр хэрэгжиж эхэлжээ
02024-3-1 17:55
Кубын талд тагнуул хийсэн Америкийн дипломатч гэм буруугаа хүлээнэ
02024-3-1 17:37
Газад өлсгөлөн нүүрлэх эрсдэл нэмэгдэж байгааг НҮБ анхаарууллаа
02024-3-1 17:22
В.Путин Холбооны хуралд жил тутмын илгээлтээ сонсголоо
02024-3-1 16:08
Засгийн газрын санхүүжилтийг сунгах тухай хуулийн төслийг Конгресс баталжээ
02024-3-1 16:01
Apple ID-ийн нэрийг өөрчилнө
02024-3-1 15:56
Mайкрософт компани санхүүгийн ажилтнуудад зориулан AI чатбот гаргана
02024-3-1 15:41
Хэт боловсруулсан хүнс олон төрлийн өвчлөлд хүргэдэг болохыг тогтоожээ
02024-3-1 15:35
Польш: Украины оронд Оросын хөдөө аж ахуйн бүтээгдэхүүний импортыг хязгаарлаж магадгүй
02024-3-1 9:41
Amazon хиймэл оюун ухаан, робот техник хөгжүүлэгч компаниудад хөрөнгө оруулахаар 1 тэрбум ам.долларыг төвлөрүүлжээ
02024-3-1 4:19