Бямба гарагт Словак улсад парламентын ээлжит сонгууль зохион байгуулагдсан билээ. Тэгвэл эл сонгуульд Оросыг дэмжигч, ерөнхий сайд Роберт Фико тэргүүтэй Нийгмийн ардчилал нам нийт 24 орчим хувийн саналтайгаар цэвэр ялалт байгуулжээ.
Словакийн Нийгмийн ардчилал намын хувьд сонгуульд оролцохдоо ялалт байгуулах аваас нэн тэргүүнд Украин улсад цэргийн тусламж үзүүлэхийг зогсоохоо амлаж байсан юм.
Сонгуулийн дүнтэй дэлгэрэнгүй танилцвал, Нийгмийн ардчилал нам парламентад нийт 24 орчим хувийн санал авсан бол тэдний араас Дэвшилтэт Словак нам 17 хувийн санал авч, хоёрдугаарт бичигджээ. Харин сонгуулийн дүнгээр Европыг дэмжигч Хлас нам 15 хувийн санал авсан байна. Тиймээс ноён Фико ойрын хугацаанд дараагийн засгийн газрыг байгуулах хүрээнд эвслийн хэлэлцээрийг эхлүүлэх төлөвтэй байгаа юм.
BBC сувгаас мэдээлснээр, сонгуулийн эцсийн дүнгээр парламентад нийт 7 нам суудалтай болсон нь эвслийн засгийн газар байгуулах явцыг удаашруулж магадгүй байгаа гэжээ.
Эх сурвалж: BBC