Даваа гарагт Телеграм платформ дээр албан бус эх сурвалжийн мэдэгдсэнээр Вагнер бүлгэмийн удирдагч Евгений Пригожин насан эцэслэсэн энэ үед түүний бүх хөрөнгө хийгээд Вагнер бүлгэмийн удирдлага бүхэлдээ хүү Павел Пригожинд шилжсэн гэжээ.
Евгений Пригожины хувьд өнгөрөгч наймдугаар сард тийрэлтэт хөлгөөр зорчиж яваад амиа алдсан юм. Улмаар түүнийг амиа алдсантай холбогдуулан гэр бүлийнхэн нь түүний гэрээслэлийг задалсан бөгөөд гэрээслэлийг тэр өнгөрөгч гуравдугаар сард нотариатаар баталгаажуулж, өөрийн гол өв залгамжлагчаар хүү Павелыг нэрлэсэн байжээ. Тийнхүү өдгөө 25 настай Павел өнгөрөгч есдүгээр сард өв залгамжлах хүсэлтээ өргөн барьсан гэнэ.
Түүнчлэн албан бус эх сурвалжийн мэдээлснээр Евгений Пригожинд өр төлбөр барагдуулах ёстой хүмүүс хийгээд алба байх аваас түүнийг Павелд өгөх ёстой гэжээ. Хүмүүсийн хэлж байгаагаар ОХУ-ын Батлан хамгаалах яам л гэхэд түүнд 800 сая ам.долларын өглөгтэй гэж байгаа юм. Гэсэн хэдий ч энэ мэдээллийг баталгаажуулах боломж үгүй билээ.
Эх сурвалж: CNN