Лхагва гарагт Украины ерөнхийлөгч Володимир Зеленський Брюссельс дэх НАТО-ийн төв байранд зочилжээ. Тийн зочлохдоо тэрээр Франц 2 сувагт ярилцлага өгсөн байна.

Ярилцлагад тэрээр Ойрхи Дорнод дахь үйл явдлаас үүдэн барууныхан Украинд хандуулах анхаарлаа сулруулж байж магадгүй хэмээн болгоомжилж буйгаа хуваалцжээ. Түүний хэлснээр, “Олон улсын хамтын нийгэмлэгийн зүгээс Украинд хандуулах анхаарлаа сулруулж магадгүй юм. Гэхдээ миний зүгээс АНУ бидэнд үзүүлэх тусламжаа үргэлжлүүлнэ гэж найдаж байгаа.

Хэрэв Киевт үзүүлэх тусламж зогсвол цаг хугацаа ОХУ-ын талд эргэнэ” гэжээ.

Түүний ийн хэлэх болсон шалтгаан нь аравдугаар сарын 7-ы өдөр Палестины исламист бүлэглэл болох Хамас Израиль улс руу дайрсантай холбоотой юм. Улмаар Израиль улсын зүгээс Хамас бүлэглэлийн эсрэг дайн зарлахад бэлэн гэдгээ зарласнаар олон улсын зүгээс Ойрхи Дорнодын тав дахь дайн болж магадгүй нь хэмээн сэрэмжлэх болсон билээ.

Эх сурвалж: ТАСС