Финляндын харилцаа холбооны тэргүүлэгч компани болох Nokia зардлаа танах үүднээс 2026 оны сүүл гэхэд нийт 9,000-14,000 орон тоогоо цомхотгосон байхаар төлөвлөжээ.

Тэдний ийн төлөвлөх болсон шалтгаан нь тус компанийн өнгөрөгч улирлын борлуулалт даруй 20 хувиар буурсан байна. Харин борлуулалт буурсан шалтгааныг тэд зах зээлд 5G төхөөрөмжийн эрэлт удааширсантай холбон тайлбарлажээ.

Nokia компанийн хувьд 2015 оноос хойш хэд хэдэн удаа орон тооны цомхотгол хийснээр өдгөө нийт 86,000 хүнийг ажлын байраар хангаж байгаа юм. Тэгвэл энэ тоо 2026 оны сүүл гэхэд 72,000-77,000 болох ажээ.

Nokia компанийн мэдэгдсэнээр тэд 2026 он гэхэд зардлаа 800 сая еврогоос 1.2 тэрбум еврогоор танасан байх зорилго тавьж байгаа гэнэ.

Эх сурвалж: BBC