АНУ-ын автомашины үйлдвэрлэлийн салбарт тэргүүлэгч гурван компанийн ажилчид Автомашины ажилчдын нэгдсэн үйлдвэрчний эвлэлийн нэрэн дор нэгдэн түүхэнд анх удаа нэгэн зэрэг маш өргөн хүрээг хамарсан ажил хаялтыг зарлаад байсан билээ. Тэгвэл энэхүү ажил хаялт зургаан долоо хоногийн турш үргэлжилсний эцэст сая нэг дуусгавар болж буй бололтой.
Тодруулбал Автомашины ажилчдын нэгдсэн үйлдвэрчний эвлэл Форд, Стеллантис компаниудын дараа Женерал Моторстой хөдөлмөрийн гэрээг шинэчлэх тохиролцоонд урьдчилсан байдлаар хүрсэн гэж Ройтерс агентлаг онцлон тэмдэглэв.
Одоогоор шинэчилсэн хэлэлцээрийн талаар дэлгэрэнгүй мэдээлэл хараахан олон нийтэд хүрээгүй байгаа ч хэлэлцээрийг амжилттай дуусгаад буй Форд болон Стеллантис компаниудын нэгэн адилаар юуны түрүүнд үндсэн цалинг 25 хувиар нэмэгдүүлэхээр тохиролцсон гэх мэдээ байгаа юм.
Ийнхүү урьдчилсан тохиролцоо амжилттай болж буйн ачаар Форд, Стеллантис компаниудын араас Женерал Моторсын ажил хаялтад оролцсон үйлдвэрчний эвлэлийн гишүүд ч ажилдаа эргэн орж, өнгөрсөн сарын 15-ны өдрөөс эхэлсэн Автомашины ажилчдын нэгдсэн үйлдвэрчний эвлэлийн ажил хаялт дуусах шатандаа орж буй бололтой.
Эх сурвалж: YTN