Энэ сард зохион байгуулагдсан Дэлхийн Эдийн засгийн Форумын үеэр гоо сайхны L’Oreal компанийн гүйцэтгэх захирал Николас Хиеронимус зайнаас ажиллагсдын тухай хэдэн хатуухан үг хэлжээ. Түүний хувьд 2021 онд тус компанийн гүйцэтгэх захирлын албан тушаалыг хүлээн авсан юм.
Улмаар түүний дүгнэж буйгаар ажилтнууд оффисоос ажиллах нь компанийн үйл ажиллагаа хийгээд ажилтнууд хоорондын харилцаанд чухал ач холбогдолтой гэсэн байна.
Ноён Николас Хиеронимусын хэлснээр, “Би L’Oreal-аас өөр олон компанийн гэрээсээ ажилладаг, ажлаа гэх ямар ч сэтгэлгүй, карьерын хувьд хүсэл тэмүүлэлгүй, бүтээлч сэтгэлгээ үгүй ажилтнуудыг мэднэ. Бидний хувьд КОВИД гээд орхигдуулсан нэг зүйл нь компани бүр технологийн салбарт үйл ажиллагаа явуулдаггүй гэдэг юм. Улмаар бараг бүх л газар ажилтнуудаа зайнаас ажиллаж болно гэж шийдсэн ч одоо тэдний дийлэнх нь, “Өө, бурхан тэнгэр минь. Энэ чинь буруу байж. Та нар оффистоо эргээд ир л дээ” гэж байна.
Санамсаргүй байдлаар шинэ санаа олж, шинэ хүмүүстэй уулзаж, танилцах боломжийг зөвхөн оффисоос ажиллах нөхцөл л бүрдүүлдэг.
Үүгээр ч зогсохгүй залуу ажилтнуудын хувьд орон байрны асуудал элбэг байгаа бөгөөд гэрээсээ ажиллах нь тэдний сэтгэл зүйн эрүүл мэндэд сөргөөр нөлөөлж байгаа.
Тиймээс оффисоос ажиллах нь ажилтнууд хийгээд компанийн хувьд амин чухал шинж чанартай шийдвэр юм. Мөн энэ нь хөх захтан буюу үйлдвэрлэлийн салбарт ажилладаг хүмүүст шударга хандаж буй хэрэг” гэжээ.
Эх сурвалж: Business Insider
Goy orchuuljee
Үнэн үг