Украины зэвсэгт хүчний тэргүүн Валерий Залужныйгийн туслахад төрсөн өдрийн бэлэгт тэсрэх бөмбөг ирснээр тэсрэх бөмбөг дэлбэрч, харамсалтайгаар амиа алджээ.

BBC сувгаас мэдээлснээр 39 настай Геннадий Частяков төрсөн өдрөө тэмдэглэчхээд зочид буудалдаа эргэн ирж, хамт ажиллагсдынх нь түүнд өгсөн бэлгүүдийг задалж байхад бөмбөг дэлбэрсэн гэнэ. Тэрээр бэлгүүдийг задлахад өөрийн хүүгийн хамт байсан бөгөөд тэсрэх бөмбөг дэлбэрэхэд өөрөө амиа алдаж, түүний 13 настай хүү хүндээр шархаджээ.

Украины Дотоод хэргийн сайд Игор Клыменкогийн хэлснээр, “Хүү тэсрэх бөмбөгийн бөгжийг эргүүлж эхлэхэд цэргийн алба хаагч тэсрэх бөмбөгийг хүүгээс авсан ч, бөгжийг мултлан дэлбэрэлт явагдсан” гэсэн юм.

Улмаар цагдаагийн газрын урьдчилсан дүгнэлтээр уг осол нь тэсэрч дэлбэрэх аюултай зүйлтэй хайхрамжгүй харьцсанаас улбаалсан гэжээ. Гэсэн хэдий ч мөрдөн шалгах ажиллагааны явцад түүний зочид буудлын өрөөнөөс өөр 5 тэсрэх бөмбөг олдсон гэсэн байна.

Эх сурвалж: BBC