Мягмар гарагт Финляндын Yle сувгаас мэдээлснээр тус улсын ерөнхий сайд Петтери Орпо ОХУ-тай хиллэдэг бүх эсвэл зарим хилийн боомтоо хаах асуудлыг авч үзэж байна гэжээ. Үүний шалтгаан нь тус улсын зүүн хилээр буюу ОХУ-аас шаардлагатай бичиг баримтгүйгээр нэвтрэх хүмүүсийн тоо эрчимтэй нэмэгдсэнтэй холбоотой юм.

Ерөнхий сайдын хэлснээр, “Бидний зүгээс хилийн хөдөлгөөнийг хязгаарлаж магадгүй байна. Улмаар ОХУ-тай хиллэдэг зарим эсвэл бүх хилийн боомтыг хаах арга хэмжээ авна. Эсхүл орогнол хүсэгчдийг нэг цэгт төвлөрүүлж болох юм.

Эл асуудлын хүрээнд засгийн газрын шаардлага тодорхой байгаа. Бид хилийнхээ аюулгүй байдлыг хангахыг хүсэж буй” гэжээ.

Эх сурвалж: ТАСС