Баасан гарагт Нидерланд улсын прокурорын газраас Крымийн гүүрийг барихад ОХУ-д тусалсан 4 компани, 8 хүнд шийтгэл оноож буйгаа мэдэгджээ.
Шийтгэлийн үндэслэл нь хариуцлага хүлээх болсон этгээд, аж ахуйн нэгжүүд нь 2014-2017 оны хооронд Европын Холбооноос ОХУ-ын эсрэг тогтоосон хоригийг зөрчиж, Крымийн гүүрийг барихад ОХУ-д тусалсан гэнэ.
Тийнхүү прокурорын газраас мэдэгдсэн дагуу хэрэгт холбогдогч этгээдүүд 20-60 цагийн нийтэд тустай ажил хийх шийтгэл хүлээсэн бол аж ахуйн нэгжүүд нийт 160,000 еврогийн торгуулийг төлж барагдуулах болжээ.
Харин тэд ОХУ-д хэрхэн тусалсныг тодруулбаас, шийтгэл хүлээсэн хүмүүс болон аж ахуйн нэгжүүд нь ОХУ-ыг машин, механизм, шаардлагатай сэлбэг хэрэгсэл болон бусад үйлчилгээгээр хангасан гэжээ.
Нидерланд улсын прокурорын газраас олон нийтэд ил болгосон мэдээллийн дагуу тэд хэрэгт холбогдогчдод зохих хэмжээний шийтгэлийг нь ногдуулсан ч торгуулах болсон компаниудын нэрийг зарлаагүй байна.
Эх сурвалж: The Reuters