Өнгөрөгч долоо хоногийн пүрэв гарагт дуучин Робби Уилльямс Австралийн Сидней хотноо тоглолтоо зохион байгуулсан билээ. Тэгвэл уг тоглолтыг үзэж байсан 70 настай нэгэн эмэгтэй унаж бэртэн гэмтэл авч, эмнэлэгт хүргэгдсэн ч харамсалтай нь амиа алджээ.
Тодруулбал, эмэгтэй тоглолт үзэж дуусаад шат хэрэглэхийн оронд суудал дамнан явсан байна. Улмаар тийн явахдаа тэрээр унаж, урагш зургаан эгнээ дамнан өнхөрчээ. Осол гарсан даруй хүмүүс эмнэлгийн тусламж дуудаж түүнийг эмнэлэгт хүргэсэн бөгөөд толгойдоо хүнд гэмтэл авсныг нь тогтоосон юм. Гэвч харамсалтай нь эмэгтэй амьсгал хурааж, мягмар гарагт эмнэлгийн байгууллагаас түүнийг амиа алдсаныг баталжээ.
Үйл явдлын хүрээнд дуучин Робби Уилльямс ямар нэг мэдэгдэл хийгээгүй байна.
Харин тоглолт болсон цэнгэлдэхийн хэвлэлийн төлөөлөгчийн мэдэгдсэнээр хэрэг явдал тоглолт дууссаны дараа болсон гэжээ.
Эх сурвалж: BBC