Өнгөрөгч найман жилийн хугацаанд чүдэнзээр 7 метр өндөр Эйфелийн цамхаг босгосон эр Гиннесийн Дэлхийн амжилтууд номд багтаж чадсангүй. Үүний шалтгаан нь тэр буруу төрлийн чүдэнз ашигласантай холбоотой юм.
Тодруулбал, өдгөө 47 настай Ричард Плауд гэх франц эрийн хувьд нийт 700,000 ширхэг гаруй чүдэнзийг ашиглан 7 метр өндөр Эйфелийн цамхгийг босгосон байна. Тус бүтээлд тэр найм гаруй жилийн хугацааг зарцуулж, Гиннессийн амжилтад бүртгүүлэхээр хүсэлтээ өргөн барьжээ. Харамсалтай нь Гиннесийн амжилтыг бүртгэдэг байгууллагаас түүний бүтээлийг бүртгэхээс татгалзсан байна. Учир нь тэрээр цамхгийг босгохдоо эдүгээ худалдаалагдахаа больсон чүдэнзийг ашигласан бөгөөд жинхэнэ Эйфелийн цамхгийн загварыг төгс хуулбарлаагүйтэй холбоотой гэнэ. Энэ талаараа тэр өөрийн Инстаграм хуудаснаа бичсэн юм.
Улмаар эл мэдээг дуулсан олон нийтийн зүгээс Гиннессийн амжилт бүртгэгч байгууллагыг буруушааж, хүний нөр их хөдөлмөрийг үнэгүйдүүлж орхисон байна хэмээн эгдүүцжээ.
Эх сурвалж: UNILAD