Лхагва гарагт Walt Disney компанийн гүйцэтгэх захирал Боб Игер 2026 онд гэрээнийх нь хугацаа дуусахад ажлаа бүрмөсөн хүлээлгэн өгөхөө мэдэгджээ. Энэ талаар тэр New York Times сониноос зохион байгуулсан Dealbook гэх бага хурал дээр өгсөн ярилцлагадаа өгүүлсэн байна.

Өдгөө 72 настай Боб Игерийн хувьд 2022 оны арваннэгдүгээр сард Disney компанидаа эргэн ирсэн юм. Тийн шийдэхээс өмнө тэрбээр тэтгэвэртээ гараад нэг жил ч хүрэхгүй хугацааг өнгөрүүлээд байсан билээ. Улмаар 2022 онд компанидаа эргэн ирэхдээ Боб Игер гүйцэтгэх захирлын үүргээ 2 жил л биелүүлэхээр тохирч байсан ч уг тохироогоо дахин 2 жилээр сунгаж, 2026 оныг дуустал биелүүлэх болсон юм. Тэгвэл ярилцлагад өгүүлснээр тэр 2026 оноос хойш уг албаа бүрэн хүлээлгэж өгнө гэжээ.

Эх сурвалж: The Reuters