Туркменистан улсын үндэсний агаарын тээвэрлэгч Туркменистан Эйрлайнс Москва хотыг зорих нислэгүүдээ зогсоох болжээ. Энэ талаар тэд лхагва гарагт мэдэгдсэн байна.
Авиакомпаниас мэдэгдсэнээр, “Москва хотын агаарын орон зайд үүсээд байгаа нөхцөл байдлаас үүдэн бид эрсдэлийн үнэлгээ хийж, Ашгабат-Москва-Ашгабат чиглэлийн бүх нислэгийг цуцлах боллоо” гэсэн юм. Улмаар Москва хотыг зорих нислэгүүдээ зогсоосон Туркменистан Эйрлайнс тус хотоос 700 километрийн зайд орших Казан хот руу нислэгүүдээ шилжүүлэх болжээ.
Үүний шалтгаан нь сүүлийн өдрүүдэд Украины талаас Москва хотын дээгүүр болон хотын ойр орчимд дроноор халдлага хийх нь ихэссэнтэй холбоотой юм.
Эх сурвалж: The Reuters