Евро бүсийн хэрэглээний үнийн индекс (ХҮИ) өнгөрөгч 11-р сард өмнөх оны мөн үетэй харьцуулахад 2.4 хувиар өссөн байна. Энэ нь өмнөх сартай харьцуулахад өсөлт нэлээд удааширснаас гадна сүүлийн хоёр жил дөрвөн сарын хамгийн доод түвшинд хүрсэн үзүүлэлт болжээ.
Европын холбооны статистикийн агентлаг Евростатын орон нутгийн цагаар 30-ны өдөр мэдээлснээр, Евро бүсийн ХҮИ өнгөрөгч 11-р сард жилийн өмнөхөөс 2.4 хувиар өссөн болохыг онцлов. Өнгөрөгч 10-р сард энэхүү үзүүлэлт 2.9 хувь байсантай харьцуулахад 0.5 нэгжээр буураад зогсохгүй 2021 оны 7-р сараас хойших хамгийн доод түвшинд хүрсэн нь нэ аж. Тэрчлэн санхүүгийн зах зээлийн 2.7 хувийн хүлээлтээс ч доогуур байв.
Мөн 11-р сард суурь инфляцын түвшин өмнөх сарын 4.2 хувиас 3.6 хувьд хүрч буурсан байна.
Инфляцын түвшин удааширч байгаатай холбоотойгоор бодлогын хүүг бууруулах магадлал цаашид өсөх төлөвтэй байгаа юм. Зах зээлийн таамаглаж буйгаар ирэх оны 4-р сард бууруулж магадгүй гэх хүлээлтийг үүсгээд байгаа аж. Энэ нь ирэх онд инфляцын түвшинг гурван хувьд барьж, улмаар 2025 оны эцэс гэхэд хоёр хувийн зорилтот түвшинд хүргэнэ гэсэн Европын төв банкны хэтийн төлвийн биелэлтэд тун ойрхон очоод буй хэрэг юм.
Eвропын төв банк өнгөрсөн оны 7-р сараас хойш бодлогын хүүгээ 10 удаа дараалан өсгөсөн ба өнгөрсөн сард анх удаагаа царцаасан билээ. Тодруулбал өнгөрсөн сарын 26-нд тус банк бодлогын хүүг жилийн 4.5 хувь, хадгаламжийн хүү болон ахиу зээлийн хүүг жилийн 4.0 болон 4.75 хувиар тус тус царцаасан юм.
Эх сурвалж: Asiae