БНХАУ лхагва гарагаас эхлэн залуучуудын ажилгүйдлийн тухай тайлангаа эргүүлэн олон нийтэд ил болгох болжээ. Тус улсын хувьд өнгөрөгч оны зургаадугаар сард залуучуудын ажилгүйдэл түүхэн дэх хамгийн өндөр хувь болох 21.3 хувьд хүрснээр тэд эл тайланг олон нийтэд ил болгохоо зогсоогоод байсан юм.

Харин лхагва гарагаас олон нийтэд ил болгосон тайлангаас үзвэл тус улс дахь залуучуудын ажилгүйдэл өнгөрөгч сард 14.9 хувьтай гарсан байна. Эл тайлан нь БНХАУ дахь 16-24 насны залуусын хөдөлмөр эрхлэлтийн мэдээлэлд үндэслэсэн бөгөөд тус улсын Үндэсний Статистикийн газраас эл тайланг гаргахад нэгэн шинэ аргыг хэрэглэх болсон нь оюутнуудыг хасах болжээ.

Ийн зохицуулалт хийхээс өмнө тус тайланг гаргахад Үндэсний Статистикийн газраас долоо хоногт дор хаяж нэг цаг ажил хийдэг залуусын хөдөлмөр эрхлэлтийг ч харгалзан үздэг байсан бөгөөд ажил хийх хүсэлтэй ч ажил олдохгүй байна гэсэн шалтгаантай залуусыг ажилгүйд тооцдог байсан юм.

Эх сурвалж: ABC News