Ажил горилогчдын хувьд ажилд орохоор зорьж буй байгууллагынхаа тухай тандалт хийх нь нийтлэг үзэгдэл. Ажил горилогчдын хийдэг эл тандалтын явцыг хөнгөвчлөхөөр Glassdoor хуудаснаас жил бүр “Ажиллахад хамгийн таатай байгууллага”-ын жагсаалтыг гаргах болсон билээ.
Тэгвэл бүгдээрээ энэ удаагийн нийтлэлээрээ тэдний боловсруулсан 2024 онд ажиллахад хамгийн таатай 10 байгууллагын жагсаалттай танилцъя.
Уг жагсаалтыг гаргахад Glassdoor хуудаснаас үндсэн хэд хэдэн шалгуурыг тавьсан бөгөөд тэдгээрт тухайн байгууллага нь 1,000 болон түүнээс дээш ажилтантай байх, ажлын эерэг соёлыг бий болгож чаддаг байх, ажилтнуудынхаа ажил-амьдралын тэнцвэртэй байдалд анхаардаг байх зэрэг багтсан байна. Үүнээс гадна тэд тухайн байгууллагын ажилтнууддаа олгодог урамшуулал, давуу эрх хийгээд карьерын хувьд өсөж дэвжих боломжийг хэрхэн бүрдүүлж өгдөг болон ажилтнуудын эрх тэгш байдлыг хэрхэн хангадаг, ямар ч үндэс угсааны, ямар ч соёлтой хүн тус байгууллагад ажилд ороход тэд хэрхэн хүлээж авдаг зэргийг харгалзжээ.
2024 онд ажиллахад хамгийн таатай 10 байгууллага:
- NVIDIA
- ServiceNow
- MathWorks
- Procore Technologies
- In-N-Out Burger
- VMware
- Deltek
- 2020 Companies
- Fidelity Investments
Харин уг жагсаалтын нэгдүгээрт Bain & Company гэх газар бичигдсэн байна.
Тус компанийн хувьд менежментийн зөвлөх үйлчилгээ үзүүлдэг бөгөөд нийт 15,000 орчим ажилтантай юм. Үүсгэн байгуулагдаад 51 жилийн нүүрийг үзэж буй тэдний хувьд дээрх жагсаалтад хамгийн өндөр үнэлгээ авсан ба ажилтнуудын хэлснээр, “Компанийн соёл үнэхээр гайхалтай. Урамшуулал, ажилтнууддаа олгодог давуу эрх, хангамж ч сайн. Мөн ажилтнууд нь хамтран ажиллахад маш таатай хүмүүс байдаг” гэжээ.
Эх сурвалж: as