Саяхан “Eternals” киноны жүжигчин Кумэйл Нанжиани “Inside of you With Micheal Rosenbaum” гэх подкаст ярилцлагын нэвтрүүлэгт зочноор оролцжээ. Улмаар ярилцлагын хүрээнд тэр өөрийн сэтгэл зүйн эрүүл мэнд, киноны шүүмжийн нөлөө ямар байсан талаар өгүүлсэн байна.
Кумэйл Нанжианигийн хувьд 2021 онд нээлтээ хийсэн Eternals кинонд Кинго гэх дүрийг амилуулсан юм. Гэвч кино нь олон нийтээс ихээхэн сөрөг шүүмж хүлээсэн бөгөөд Rotten Tomatoes кино үнэлгээний платформ дээр ердөө 47 хувийн үнэлгээ авсан билээ. Ингэснээр тус кино нь Marvel кино компанийн хамгийн муу үнэлгээтэй кинонуудын нэг болсон.
Тийнхүү Кумэйл Нанжианигийн ярьснаар, “Үзэгчдийн шүүмжүүд сөрөг байсан. Би ч тэрийг мэдэж байсан. Гэхдээ би бараг шүүмж нэг бүрийг уншсан байх.
Marvel бодохдоо киног үнэхээр үнэлгээ өндөр байна гэж төсөөлж, биднийг дэлхийг тойрох аялалд гаргаж, киног томоохон фестивалиудад явуулаад амжсан нь үнэхээр хүндхэн байсан. Улмаар би нэг тийм сэтгэл зүйтэй ажлаа үргэлжлүүлэн хийж ч чадахгүй болсон. Тэгээд л ямар нэг зүйлийг өөрчлөх хэрэгтэй гэж бодоод зөвлөгөө авах болсон юм. Би одоо ч энэ талаар сэтгэл засалчтайгаа ярилцдаг” гэжээ.
Эх сурвалж: Variety