Ирэх оны аравдугаар сард нээлтээ хийх Joker 2 буюу Joker: Folie à Deux киноны анхны трэйлер олны хүртээл болжээ.

Эл киноны онцлог нь дуучин Лэди Гага Жокерын найз бүсгүй болох Харли Квинний дүрийг амилуулсан юм.

Joker киноны эхний ангийн хувьд 2019 онд нээлтээ хийж, үзэгчдийн хүртээл болсон бөгөөд Оскарын шагнал гардуулах ёслолын хүрээнд нийт 12 төрөлд нэр дэвшээд амжсан билээ. Улмаар жүжигчин Хоакин Феоникс шилдэг эрэгтэй гол дүрийн шагналыг ч хүртсэн юм.

Тэгвэл саяхан цацагдсан трэйлерээс үзвэл Joker 2 кино нь jukebox musical буюу олон нийтэд аль хэдийнээ танил болсон дуунуудыг багтаасан мюзикл кино байх ажээ. Киноны төрөл жанраас үзэхэд тэд яагаад Харли Квинний дүрд дуучин бүсгүйг сонгосон нь илүү тодорхой болж байгаа юм.

Эх сурвалж: UNILAD