Эрэгтэйчүүдийн хөл бөмбөгийн клубүүдийн өвлийн солилцоо наймааны нийт мөнгөн дүн 1 тэрбум 460 сая ам.долларт хүрсэн тухай Олон улсын хөл бөмбөгийн холбооны (ФИФА) албан ёсны цахим хуудсанд мэдээлжээ.
Энэ нь нэгдүгээр сарын хоёр дахь хамгийн өндөр үзүүлэлт юм. Эрэгтэй, эмэгтэйчүүдийн хөл бөмбөгийн клубүүд нийтдээ 5073 тоглогчийг солилцсон нь дээд үзүүлэлт болжээ. Эмэгтэйчүүдийн клубүүдийн хувьд солилцоонд нийт 2.1 сая доллар зарцуулсан нь өнгөрсөн оныхоос 2.5 дахин өссөн байна.
Өнгөрсөн сард эрэгтэйчүүдийн клубүүд нийт 4 716 тоглогчийг олон улсын хэмжээнд солилцсон нь өмнөх оны нэгдүгээр сарынхаас 0.6 хувиар өсжээ.
Эрэгтэй тоглогчдын олон улсын солилцоонд зарцуулсан мөнгөний хэмжээгээр нэгдүгээр сард Францын клубүүд 291.9 сая доллароор тэргүүлсэн нь өмнөх оны нэгдүгээр сарынхаас хоёр дахин их мөнгө юм. Харин Английн клубүүдийн энэ өвлийн солилцооны зардал 2023 оны нэгдүгээр сарын дээд үзүүлэлттэй харьцуулахад бараг 80 хувиар буурсан байна.
Эх сурвалж: FIFA /МОНЦАМЭ агентлаг/